Стоглавый Собор: О вдовствующих священниках

ВДОВСТВУЮЩИХ ПОПЕХ ПОУЧЕНИЕ ИЖЕ ВО СВЯТЫХ ОТЦА НАШЕГО ПЕТРА МИТРОПОЛИТА ВСЕЯ РУСИИ. ГЛАВА 77 

Аще у попа умрет попадья, идет в монастырь, имея священство свое. Аще же имать пребывати и любити мирския сласти – да не поет. И аще кто имать не слушати моего писания – и будет неблагословен и те, иже приобщаются сим. Иже который поп имет упиватися и да не лишится, тот не истинный священник Христов. 

О том же послание великаго Василия ко Григорию презвитеру. Правило 87. Подобает отлучитися его с женами пребывания и бесед и не полагати брату протыкания или соблазна. Темже иже в никои отцем последующе, иже не повелевают чюжие жены у себя в дому имети. Отлучитися тобе от живущия у тебе жены повелехом, аще не отпустиши ее, не исправив себе, дерзнеши служити – да будеши проклят, и приемлющии тя – отвержены. 

О ТОМ ЖЕ ОТ ПОСЛАНИЯ ФОТЕЯ МИТРОПОЛИТА ВСЕЯ РУСИИ ВО ПСКОВ О ВДОВСТВУЮЩИХ ПОПЕХ. ГЛАВА 78 

Слышание мое, что де суть в вас, которые попы и дияконы вдовцы тако и пребывают в мирских и священствуют. Ино священником мирским, до когда Богу благоволившу, во временной их жизни с их подружии быти, и тогда священству их бысть. А егда Богу вземшу их подружия, и по вышереченному пол их телес, то мертвы суть; и земля своего тела естественного в растление червем прият. И должни суть таковии, благодаря Божия судбы и Его повеления, в монастыри отходити и во иноческая одеяния от настоятеля духовного игумена острищи собе. И о своих согрешениях, и о своем конце, и о своем ответе рыдающе, и обновив себе, о всем чистым покаянием к своему духовному отцу и по достоинству: аще суть достойни, и тогда да священствуют таковии в монастырех, а не в мирских. И се же убо по божественных отец преданию во всей своей святей митрополии, отнюдуже в ню приидох. И таковое запрещение и заповедь священником вдовствующим возложих. Но и ныне грех ради наших и нужи ради, и ради Божиих казней смертоносных на ны належащих на мало время от воздержания тех разреших. А ваше великое Божие священство благословляю от мирских прейти со обновлением всяко духовным по достоинству во священноиноческая и юже ризу подобия одеяния ангельского восприяти хощете. И тако сию нескверну и чисту потщитеся со единородною своею безсмертною душей представит своему владыце. А ослушание о сем никако буди в вас, еже в мирских священствовати.

ОТВЕТ О ВДОВЫХ ПОПЕХ И О ДИЯКОНЕХ. ГЛАВА 81 

Якоже преже нас отцы соборно изложиша и уставиша по священным правилом святых апостол и святых отец, и по поучению великого чюдотворца Петра митрополита киевского и всея Русии, и по написанию святейшаго Фотея митрополита киевского и всея Русии, что6 вдовым попом и дияконом не служити, а которые обещаются в чистоте пребывати, и тем попом и дияконом стояти на крылосе, а имати им у служащих священников и у дияконов, которые на их место станут, во всяких церковных доходех четвертую часть. 

Да тем же вдовым попом и дияконом повелели им соборне патрахели держати в домех. Да и причащатися им в церкви в олтаре и в патрахели, а не служити. А дияконом держати стихарь да уларь и причащатися в олтаре, а не служити. А не учнут те вдовые попы и дияконы на крылосе стояти, а учнут мирская действовати, и им четвертой части у служащих у попов и у дияконов не имати и на крылосе не стояти. А которые те вдовые попы и дияконы после своих жен учнут жити в чистоте и в покаянии, и в прочих добродетелех, да стоят на крылосе. Или после своих жен восхотят во мнишеский чин пострищися в монастырех, у духовных пастырей, да, обновив собя чистым покаянием, и восхотят служити, и они благодаря Бога да с благословением святительским, аще будут достойнии, – да служат божественную литургию и вся священническая действуют в святых церквах в монастырех, а не в мирских местех. А в мирских местех никогда же не живут, ни действуют. 

И ныне и впредь тем вдовым попом и дияконом жити потому же, якоже прежде нас соборне уставили по святым правилам. А святыми церквами тем вдовым попом и дияконом не владети и духовных детей им не держати. А владети и действовати святыми церквами служащим священником и дияконом, которые на их место станут. А тем вдовым попом и дияконом ни во чтоже церковное не вступатися, но токмо в чистоте пребывати да на крылосе стояти, моля Бога, и уреченную четвертую свою часть у служащих священников и у дияконов имати. 

А которые вдовые попы и дияконы учнут мирская действовати, и тем в миру и пребывати, и царской дани да подлежат. А на крылосе однолично таковым не стояти и четвертой части не имати. А которые те вдовые попы и дияконы обещаются чистоту хранити и на крылосе стояти, тем попом и дияконом имати у святителей благословенью патрахельныя и уларные грамоты крепости для и бережения, а пошлин от них не давати. Да в те же им грамоты писати, что вдовым священником и дияконом, которые обещаются в чистоте пребывати по священным правилом, святого 6-го вселенского собора 5 правило, в дому у себя женского полу не держати от зазорных лиц, но токмо кому матерь и сестру или тетку по отце или по матери или дщерь свою. Преступающия же сие — изврещи повелевают, а мирских – отлучают.